Weerkaart

Dit is baie belangrik om kinders van kleins af van hulle omgewing te leer. Hierdie weerkaart is 'n prettige manier om kinders te leer van die weer, en op so n manier ook van  hulle omgewing. 

Gebruik die weerkaart so:

Plak die weerkaart teen jou kind se deur of muur vas. Maak dit 'n gewoonte om elke dag die pyltjie op die weerkaart te skuif, om by die dag se weer te pas. Indien toepaslik kan julle altwee pyltjies skuif, byvoorbeeld as dit die dag koud is en dit reën. 

Bespreek eers die prentjies met jou kind en verduidelik wat elkeen beteken. Maak dit 'n gereelde instelling om dit te doen en bespreek ook sy gevoelens oor die weer, byvoorbeeld: Hou hy daarvan as dit koud is? Wat wil sy doen as dit warm is? Koppel byvoorbeeld die weer aan sekere aktiwteite deur vir haar te vra wat sy graag doen as dit koud/warm/winderig/reënerig ens is. 

Die weerkaart bied ook die ideale geleentheid om seisoene te verduidelik.